دعيت الله بأن يفضح زوجي وفضحه بس نفسي تدمرت موضوع مميز جدا

بسم الله الرحمن الرحيم
آه آه قلبي يوجعني وقاعده أكتب وانا أرتجف من القهر اللي جاني من زوجي .....انا وزوجي لنا فتره يمكن سنه وحياتنا أصبحت بارده وكله من أهله ربي ينتقم منهم ماخلونا بحالنا لازم ينكشون بحياتنا مستحيل يشوفوني مبسوطه ويتركوني بحالي لازم يخترعون كذبه أو شي صبرت عليهم وصبرت لكن كل ماأصبر يتمادوا ويزيدوا بس مو قدامي من وراي وأشياء كثيره تقهر أن صرت أطنشهم وماأبغى المشاكل هنا زوجي ماعجبه الوضع ودايم يقولي أهلي وأهلي لازم تحبيهم والله اني محترمتهم وحاطتهم فووق راسي بس مدري اش يبغى اسوي لهم المهم بسببهم تغيرت حياتي أنا وزوجي مشاكل واحيانا ننام متزاعلين أنا صرت أطنشه وهو بعد طنشني مع أننا كنا نمووت فبعض وخاصه هو كااان يموت فيني ألآن أنقلب وصاااااار يسرح كثير مايجلس بالبيت طوول وقته برا البيت ويسافر خارج المملكه المهم قبل يومين دعيت الله أنه يفضحه قدامي لوكان مسوي شي أو في راسه شئ والله سبحانه وتعالى أستجاب دعوتي وفضحه اليووم الفجر وهو نايم قعد يضمني ويمسكني ويتكلم ويدعيني بأسم وحده إسمها ورده الله ياخذها وانا سكت وهو يحضني ويقول ياورده لاتزعلي بأسافر السعوديه أنا بغيت أنجلط والله أنقهرت وأقول له مين ورده مين ورده وهو صحى من النوم وضحك علي وقلته والله راح تعلمني بهذه الورده وقمت صليت الفجر ومسكته تحقيق في البدايه قال أندونسييه وبعدين العصر قال والله مهي أندنوسيه أنها يمنيه وأتعرف عليها من شهرين في جامعة عدن وصااار يدق عليها وتدق عليه والاسبوع اللي فات راح يسجل بجامعه عدن وأرسلت له أبوها وقابله وأخذه البيت عنده وخطبها بس الزواج باقي عشان باقي أقاربها ما وافقوا أنا يابنات أنصدمت صدمه عمري ودي كان ربي نزل علي الموت ولا يقول لي أنه خطب وبيتزوج جلست أصيح وأنهرت وأبكي وأشاهق زي الاطفال وهو قاعد يتفرج علي... أنا اللي صبرت عليه تزوجته منتف واهلي ساعدوه وصبرت عليه حتى ربي رزقه بوظيفه وهذا جزاتي ليه ليه يسوي في كذا أنا الان أكتب وأبكي وهو مطنشني ويقول لي إنها تكلمه وتقوله حبيبي وهو بعد وانا زوجته ليش مايقولي ذا الكلام ليش يعطيها الحب وانا نساني قلته يطلقني ويتزوج في البدايه زعل وبعدين قال عادي ....ياربي أش أسوي نفسي أفركش الزواجه نفسي ألقى رقمها الكلبه أنا أخذت جواز سفره وقطعته قطع صغار وباقي شهاداته والله حالفه أقطعها عشان ينسى الدراسه في اليمن بس خايفه تتأثر وضيفته هو الان وضيفته رسميه يعني ممكن يحتاجوا الشهاده عشان لما يرقوه والا خلاص معاد يحتاجوها في العمل ... بنات شوروا علي وأدعوا معي أن ربي يصرف عنه الزواج أنا في حال يعلم فيه الله
بنات هذا كله صار أمس وفي الليل قالي لاتدعي عليها إذا الله كاتب الزواج بأتزوج غصب عنك وماحد بيردني وقال هي اللي بدت تتغزل فيه وقالته إنها معجبه فيه وتحبه قام قال لها إذا تبغيني أتزوجك تزوجتك هي ماصدقت الله يصيبها ويبعدها عن زوجي آه آه زوجي أحسه تعلق فيه مرررره وقالي إذا تحبيني حبي اللي أحبه والله قهر قهر بالله أدعوا معي أن ربي يصرفها عن زوجي عاجلا غير آجلا والله أمس مانمت بس أبكي أبكي كأن أحد مات علي
يارب أصرفها عن زوجي .....زوجي قال لي ماراح يقول لها أنه مايبغاها يخاف تنتقم وتسحره بس بيسحب نفسه إذا رضت وإذا مارضت بيتزوجها كأنه بكيفها اللي ماتخاف الله

» اسطوانة شرح تركيب منتدى vBulletin على جهازكـ :: شرح فيديو :: (( مميز ))
» كــود css وضع صــورة بجــانب نافـ بـار المنتدي .. بشكل مميز
» بكى رسول الله صلى الله عليه وسلم يوماً
» اكــبر موضوع في تعلم الغة الروســيه على مستوى المنتديات من basha-xp Учить русский
» شرح صيانة المازر بورد بالكامل وبالصور موضوع مفيد جدا جدا جدالكل من يهتم بصيانة المازر بورد