موسوعه منتدى المجروحين للنكت المصريه

بــــــسم الله الـــرحمن الـــرحيم

.

.
موسوعه منتدى المجروحين للنكت المصريه بس
اتمنى تعجبكم
.
يالاااا نبدأ
.

واحد غبى واقف قدامه خمس شياطين .... واحد يوسوسله و اربعه يفهموه
***
مرة واحد اتخانق مع ابوة فسبلة البيت ومشى ابوة قالة رايح فين مردش علية وقام
موقف تاكسى وركب. السواق قالة على فين قالة اذا كان مقلتش لابويا هقلك انتا
***
واحدة ست راحت للدكتور قالت له يادكتور إبنى مبياكلش كويس قالها طيب بيفطر إيه
قالتله ياعين أمه ياعين أمه بيفطر20بيضة بس قالهاطيب بيتغدى إيه قالتله ياعين
أمه ياعين أمه30فرخة بس قالها طيب بيتعشيه إيه قالتله ياعين أمه ياعين أمه ورك
خروف بس فرد عليها وقالها ياعين أمه ياعين أمه كمان شوية ياكل الدكتور وأمه
***
مره واحد صعيدى أتخنق من مراته ولع فى نفسه وحضنها
***
مرة واحد غبى مش عايز يروح المدرسة ابوه قاله ليه مش عايز تروح المدرسة اصل يا
بابا المدرس بيقولى انا غبى ومبفهمش قالوا طيب انا هروح معاك المدرسة وهشوف
المدرس المهم ان ابو الواد راح المدرسة قال للمدرس انت ليه بتقول على ابنى غبى
ومبيفهمش المدرس قال انا هثبتلك ان ابنك غبى راح المدرس قال للواد روح شوفنى فى
مكتب الناظر وتعالى راح الواد وجيه قال مش موجود فى مكتب الناظر راح ابو الواد
قال ملقتهوش فى مكتب الناظر طيب انزل شوفو فى الحوش
***
مره خمس صعايده داخلين امتحان فجالهم سوال ما هي عدد ارجل المعزه؟ كلهم قعد بقي
يسالوا الدحيح بتاعهم مكنش بيرد عليهم
بعد الامتحان بيسالوا انت مكنتش بترد ليه قالهم اصل المراقب كان جنبي معرفتش
اطلع المعزه
***
واحد صعيدي نزل محطة مصر لقى بتاع الأنابيب بيخبط عليها، قال له
افتحلي واحدة ساقعة لو سمحت
***
مرة واحد سعودي لقى مصباح علاء الدين دعكه طلعله الجني قاله شبيك لبيك تطلب
ايه: قاله: طلعلي كل المصريين من السعوديه فالجني قاله: ليه بس يا عم احنا
عملنالك حاجه
***
واحد صعيدى عينوه مدير ملجأ أيتام اول قرار اخده اجتماع لأولياء الامور
***
واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص
القرود ياكلهم
، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه
بعد تلات أيام
، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت
مت ؟ قام الكتكوت وقال له : يخرب بيت امك بوظت الكمين
***
مره واحده بتقول لجوزها "تصدق إن أنا كل يوم بحلم بيوم جوازنا" قالها "هى لسه
الكوابيس دى بتجيلك
قال لها : يمكن مكنش غني .. ولا عندي عربية ولا فيلا ولا مزرعة ولا شركه ولا
فلوس زي محسن صاحبي ولكني أعشقك واحبك .. فضمته ودمعت عيناها وقالت : إن كنت
بتحبني بجد .....عرفني على محســـــن
***
صعيدي وامريكي الامريكى قال للصعيدي وصلتو فين بالتطور
الصعيدي رد وقال ياعم تطور ايه دا اححنا رجعنا لورا
ثم سأل الصعيدي الامريكي انتوا وصلتوا فين بالتطور الامريكي قاله احنا وصلنا
بالتطور اذا القمر الصناعى عطل في السما نقدرنصلحه الصعيدي فكر شويةوقل
يااااااااااااااه هو المفك بتاعكم طوله أد ايه
***
اربعه صعايدة بيلعبو علي الطريق السريع اللي العربيه تخبطه مرتين يطلع بره
***
مره واحد اشترى لمبه مسمار دقها في الحيط
***
واحد صعيدى اشتري راديو حط فيه حجرين المذيع اتسطل
***
مهندس زراعى ظبطوه بيبرسم مع الأرانب
***
مره واحد صعيدى لقى خاتم سليمان جه يدعكه فعص العفريت
***
عملوا مسابقة لتعجيز الكمبيوتر كل ما حد يسأله سؤال يجاوب عليه فى اقل من دقيقة جه واحد صعيدى حط ورقة فيها السؤال بتاعه الكمبيوتر اتحرق وطلع دخان قالوا له : سؤالك كان ايه بلدياتنا : جلت له ابو جردان جبل ما يخلف جردان كان اسمه ايه؟؟؟
***
عشر صعايدة بيتعلموا ربط الكرافتات تسعة ماتوا وواحد فى حالة حرجة
***
مره واحد بلدياتنا دخل خلاط الأسمنت طلع منه قال والله منش داخل الملاهي تاني
***
مرة واحد صعيدى الباب افل على صباعه الباب ازرق
***
مرة 5 دخلوا كلية الهندسة اثنين طلعواعلى مهندسين وثلاثة مدينة نصر
***
واحد صعيدى خلع العمة فقد الذاكرة
***
واحد حب يصطاد ارنب - قلد صوت الجزر
***
واحد رخم جداً دخل السينمــا مالقاش فيهــا غير واحد بس قعد وراه ..وقال له لو سمحت راسك علشان مش شايف
***
مرة واحد مسطول بيلعلب كورة اخد الكورة على صدرة طلعها من منخيرة
***
ضابط المرور بيحقق فى حادث... سأل الاول ... فرد ... يا بية انا اديتة كلاكس .. واديتة انوار وصرخت فية علشان يبعد ومفيش فايده... سأل التانى ... فرد ... يابية انا اعمل اية ، انا قاعد فى الكشك بتاعى
***
جماعة بيحششوا ... فجت كبسه... كل واحد اسـتخبه في شوال جه الظابط ضرب الشوال الاول برجله خرج واحد منهم و اعد يكاكي وعمل نفسه فرخه ضرب التاني خرج واعد يدن وعمل نفسه ديك ضرب التالت مخرجش ضربه تاني مخرجش ضربه جامد خرج وقال له شوال بطاااطس بطاااااااااطس انت مابتفهمش
***
مسطول لابس جزمة ، فردة بيضة والتانية سوده .... قابله مسطول تاني وقاله: "ايه ياواد الجزمه الشيك دي. راح المسطول الاولاني حط رجل علي رجل وقاله: وشرفك إنت.. عندي جوز جزم تاني فى البيت شبهه بالظبت
***
جماعة مساطيل بيتفرجوا على الاخبار .... فنشرة الاخبار طولت فراح الاولانى قال للتانى :هى لية نشرة الاخبار طولت النهارد كدة؟ فراح التانى رد عية وقال معلش اصل شكلها كدة النهاردة اخر حلقة
***
مرة واحد سكران بيوقف تاكسي فسأله: فاضي ياسطة فقال له الأسطة: ايوة فاضي فقال له السكران طيب ماتيجي تقعد معايا شوية
***
مره كان في اتنين مساطيل قاعدين بيحششوا فا واحد بيقول للتاني انا شايفك اتنين فالتاني بيقولوا لا انا الي شايفك تلاته فقالوا الاول لا انا الي شايفك اتنين المهم قالوا خلاص احنا نروح لشيح المساطيل فقال خلاص نروح لشيخ المساطيل فراحوا وعرضوا عليه المشكله. فقالهم خلاص اصحاب المشكله يقعدوا على جنب والباقي ده كووولهم يروحوا
***
اثنين سكرانين واحد قال للثانى تعرف بيعملوا اية فى اوروبا لما المطر بيمطر .. قاله لا معرفش .. قال له بيسبوها تمطر
***
فار محشش قال : كل القطط تحت جزمتى لقى وراه قط اسود قال الا ابو سمره حبيبى
***
واحد مسطول كل ما يجي يشنقوه ، الحبل ينقطع نظر للسجان وهو متغاظ وقال له احنا جايين ننشنق ولا جايين نلعب
***
مرة اتنين مساطيل قاعدين فالاول بيقول للتاني هو النهاردة السبت ولا الاحد قام التاني قائل له لا الاتنين ....قام الاول قاله.... جايين مع بعض
***
واحد مسطول بيسال صاحبه المسطول ايه اسماء اخواتك الشباب؟ قاله:كلهم محسن الا ادهم اسمه تامر
***
مره واحد بيحشش بيقول لصحبه امبارح جيت اسحب نفس قالوا لى ملكش رصيد
***
سكران ماسك الفرخة بتاعته ...قاعد يضرب فيها يضرب فيها ويقولها::: كل يوم بيض بيض مافيش جبنه.
***
واحد مسطوول فتح التلاجه وبص للجلي ...لقاه بيترعش:قالوه متخفش متخفش هاخد عصير
***
واحد سكران اتصل على مصر للطيران بيسأل الرحله من القاهره للندن هاتخد اد ايه فرد عليه الاستعلامات وقاله ثانيه لو سمحت قاله السكران طب شكرا
***
مرة فار سكران على الاخر شافة قط جعان جرى وراة فعدت عربية بسرعة فرمت القط.. والفار اغم علية ولما فاق وشاف القط مفروم قال يووة هو انا كل ما اسكر اعملى مصيبة
***
مرة واحد مسطول وقف تاكسي كان سواقه برده مسطول قاله تاخد كام وتوديني فين قاله هات اللي تجيبه وانزل هنا
***
واحد مسطول راح مطعم وقال لصاحب المطعم سندوتش طعمية من غير سلطة.. صاحب المطعم كمان مسطول قال له من غير سلطة ايه؟ قال له :: من غير سلطة طماطم - صاحب المطعم : ماعنديش سلطة قوطة اعمله من غير سلطة طحينة؟؟؟
***
مرة واحد حشاش لما قبض مرتبة راح البيت وقعد يقسم المرتب 100 ايجار - 100 مصروف بيت -200 حشيش وفجاة وهو قاعد سمع خبط على الباب فقال مين رد علية اللى برة قالوة بوليس فراح مقطع ال200 جنية حشيش
***
جماعه صعايده وجماعه فلاحين قاعدين بيحششوا البوليس كبس الفلاحين جريوا والصعايده استخبوا فى البوكس
***
مرة إتنين مساطيل راكبين عربية فواحد قال للتانى : حاسب قدامك شجرة فالتانى مردش عليه فعلى صوته شوية : قدامك شجرة برضه مردش عليه فقاله : حاسب قداااامك شجرررر .. طاخ خبطوا فى الشجرة فطلع من العربية و قاله .. مش قلتلك قدامك شجرة ؟؟؟ فالتانى رد عليه : و أنا أعملك إيه مش إنت إلى سايق ؟؟؟
***
مرة واحد صعيدى جه يخرج من العربية لقى الدنيا بتمطر راح خارج من الباب التانى
***
مره واحد مسطول اوى راجع بيتهم الساعه اتنين بليل فاخته فتحت له الباب قام ضربها بالقلم على وشها طاخ وقالها كنتى فين لحد دلوقتى .
***
نملة ماشية على حرف كوب عصير فراولة فقالت ::: ياه اخيرا شفت البحر الاحمر
***
.واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولعه من شوية
***
مرة مدرس رياضة اتجوز مدرسة رياضة خلفوا ولد متساوى الساقين
***
هل تعرف من هو اوفي مخلوق؟ نملة مات زوجها الفيل وقعدت طول حياتها تدفن فيه
***
زرافة و فيل وأسد وفأر وثعلب وارنب ماشيين في الغابة ، وقعوا كلهم في حفرة إلا الزرافة ،قالولها :جيبي لنا حبل. قالتلهم :ما فيش. قالولها :إحنا جعانين عايزين ناكل .قالتلهم: ماعرفش أجيب لكم أكل. قالولها: والعمل؟ قالت لهم: كلوا أضعفكم ..... قام الفأر نط مفزوع وقال لهم : اللي حيقرب من الأسد حيعرف شغله
***
واحد أحول راح يجيب أبوه من المطار باس الشنطة وشال أبوه
***
تايه بيسأل واحد ماشى فى الشارع اية اسرع طريق اروح بيه للمستشفى ؟؟ قالوة غمض عينك وعدى الشارع
***
مرة واحد غبي ماشي في الشارع لقي واحد صاحبه قاله ازيك ياعلي شكلك اتغير خالص الثاني رد عليه بس انا مش علي الاول قاله وكمان غيرت اسمك
***
سواق ماشى ع الطريق لاقى واحد لابس احمر فى احمر شاور له فوقف السواق و قاله انت مين و عايز اية قالة انا الفرفور الاحمر و عايز توصلنى فقالة لأ مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شوية كمان و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فرد عليه فرفور اية.....رخصك يا روح امك
***
واحد راح للدكتور بيقولو يا دكتور انا عندى صداع ، قالو بتنام والشباك مفتوح ولا مقفول ؟ طيب افتحه قبل متنام وتعالى بعد يومين ، جاله بعد يومين ، قاله الدكتور الصداع راح قاله الصداع راح والتلاجه راحت والتليفزيون راح
***
تلاته صعايدة حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال لهم كفاية كدة احنا بعدنا اوى
***
محشش يسأل محشش تتوقع الجمعة يوافق آخر الشهر ؟ رد عليه : لو ضغطنا عليه يمكن يوافق
***
واحد واقف على الكوبري بيقول ,36,36,36,36 راح واحد سأله ايه حكاية ال36دي؟ قاله تعالى أوريك قام رماه من فوق الكوبري ..وقال 37,37,37,37
***
واحد ندل فتح مصنع بيبسي كتب على كل علبة : رج جيدا قبل الفتح
***
واحد راح للدكتور بيقولوا يا دكتور كل ما اكلم واحد ينام مني ........... يا دكتور ........... يا دكتور
***
مره واحد صعيدى فتح محل انابيب غاز .. فجّر اسطوانتين فى وسط البلد .. دعاية
***
فردة راحت تخطب لابنها .. ام العروسة بتسألها ... وياترى ابنك بيدخن عليها : لا لا لا الحمد لله ، ابنى ما بيدخنش...الا لما يسكر
***
واحد بيقول لصاحبه ... الحق الثعبان دخل غرفة حماتك ... قاله: سيبه يستاهل
***
• اثنين ساكنين في خيمة ونايمين على ظهورهم بالليل.. بص الأول للسما وقال للثاني شايف ايه ؟ قاله شايف نجوم كثيرة.... قال وده يدل على ايه ة ؟ قال الثاني : ان فيه مجرات وكواكب غيرنا في الكون ده . قال الأول ده يدل ان سقف خيمتنا انسرق ياغبي
***
ثعبان نظره ضعيف يوم ما حب واحده..... طلعت خرطوم
***
واحد صعيدى ماسك قنبله وعمال يحدفها من الإيد دى للايد دى ، قابله واحد تانى قال له :يخرب بيتك ولما تنفجر فى وشك ، قاله : ماتخافش معايه غيرها
***
واحد صعيدى نجح في انتخابات مجلس الشعب، ففي اول جلسة قاعد جنب واحد افندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا !!
***
واحد قال لأبنه: نابليون وهو أدك كان أول واحد في الفصل،... رد الواد على أبوه : نابليون وهو أدك يا بابا كان إمبراطور
***
واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل ، وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى
***
مره واحد راح يشترى بكته بانجو بعشرة جنيه الحكومه طبت على المكان الى هوة فيه راح رامى العشره جنيه
***
مرة واحد مسطول أحول جه يعيط قام ريل
***
واحد رخم نزل الشارع وقف قدام عمود ... قالوه عديني
***
ظبطو صعيده بيشمو اسمنت ابيض
***
مره واحد مسطول ماشي مع حبيبته في نص الليل فاشفت ابوها فقالت يالهوي بابا بابا فقالها ماتخافيش قوليلوا اخوكي
***
مرة واحد بخيل وابنة قاعدين بياكلو فا مراتة جت فخبطت فقل ابنة قوم افتح لامك قال لة لا ماهى مراتك قالة دى امك قلة دى مراتك قلة دى امك قالة لا قالة طيب وراح منادى على مراتة انتى طالق وراح باصص لابنة وقالة قوم افتح لا مك
***
اتنين مساطيل اتخانقوا الحشيش يخلى الواحد يشوف التانى اتنين ولا تلاتة راحوا للمعلم يسالوة قالهم دة حسب الصنف وانتوا بأة جايين انتوا السبعة تسالونى
***
مره واحد راح للسوبر ماركت قله عندك معلبات رد عليه ايوه قله طاب ادينى علبة كبريت
***
محشش نائم جت امه تصحيه في الصبح قالتله قوم الشمس طلعت قالها دخليها وقفلي الباب.
***
مره واحد صعيدى بيقول لواحد صعيدى :لو قلتلى اللى فى الكيسه دى هديلك منها بلحتين قاله:تبئه جوافه .
***
بتقول الزوجة لزوجها : مبروك هنبقي ثلاثة فى البيت ... الزوج بسعادة : حاجة جاية فى السكة؟؟؟ قالت له : لأ ماما هتعيش معانا ....
***
واحد كسلان جداً ...بيقول لصاحبه : مش انا اشتغلت . قال له مبروك اشتغلت فين ؟؟ قال له في مطبعه... اقعد علي الورق علشان ما يطرش ...
***
مرة واحد دخل علي فجأة....فجأة صوطط .
***
واحد صعيدى لقى مصباح علاء الدين قعد يدعك فيه لحد ما جاب للعفريت تسلخات .
***
مرة واحد صينى وقع اتكسر.
***
دكتور اطفال اتجوز دكتوره اطفال نزلوا خبر جوازهم فى مجله ميكى.
***
واحد بلديتنا خلع العمة فقد الذاكرة
***
مرة واحد سكران بيوقف تاكسي فسأله: فاضي ياسطة فقال له الأسطة: ايوة فاضي فقال له السكران طيب ماتيجي تقعد معايا شوية
***
مرة واحد ماشى مع خطيبته وآخر انسجام فقالها "عارفة ايه هو الحب وايه الجواز؟" قالته "لا" قالها: "الحب زى النجوم
الجميلة اللى فى السماء . قالتله"طب والجواز؟" قالها:"دى البلاعة اللى واحنا بنبص على النجوم بنقع فيها.."
***
واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه .. طرراااااخ!!! الزوج: "فيه ايه يا بنت التيييييت؟ ليه كدا ؟؟؟" الزوجة : "ايه الورقه اللي في جيب بدلتك ومكتوب عليها "سوسو"؟؟" الزوج: "يا بنت الحلال، ده اسم الحصان اللى بنشجعه في السباق!" الزوجه صدقته وراحت لحالها... بعد اسبوع، الزوج قاعد في أمان الله يقرا الجرنان، وفجأة جت مراته وضربته بغطا الحلة على راسه !! الزوج: ليه يابنت التيييييت في ايه تاني؟؟" الزوجه:"حصانك على التليفون
***
نساء العالم اتحدن وقررن أن لا يقومو بأى أعمال في المنزل وبعد أسبوع تجمعوا ليعرفوا النتائج إلاضراب ..

فقالت الزوجة الفرنسية "أنا قلت لجوزى ميشيل أنا مش هعمل حاجة فى البيت الاسبوع دة كلة" وقالت "أول يوم ماشوفتش حاجة تانى يوم ماشوفتش حاجة تالت يوم بدا يغسل ويمسح" وقالى "انتى بتتعبى اوى ياحبيبتى".

وقالت الزوجة الانجليزية "أنا قلت لجوزى أنا مش هعمل حاجة خالص فى

البيت الاسبوع ده .. أول يوم مشوفتش حاجة تانى يوم بدا يعمل الاكل تالت يوم عشانى وغدانى برة."

جت المصرية وقالت "أنا قلت لأبو العيال أنا مش هعمل حاجة فى البيت الأسبوع دة" وقالت "أول يوم ماشوفتش حاجة تانى يوم ماشوفتش حاجة

تالت يوم بدأت أشوف شوية بعينى الشمال."
***
مرة واحدة قالت لجوزها "إهدى يا حبيبى كده وارجع زى زمان"، الراجل طلقها و رجع لأيام العزوبية
***
مدرس رياضيات اتجوز مدرسة رياضيات خلفوا ولد شبه منحرف وبنت دايره على حل شعرها
***
واحده وحشة بتقول لجوزها بكره عيد ميلادى . قالها نقف دقيقتين حداد
***
مرة دكتور دخل عنبر فى سراية المجانين لقى واحد بيخبط دماغة فى الحيطة سأل الممرضة ماله ده ؟ قالت أصله كان بيحب واحدة ومتجوزهاش دخل العنبر الى بعده لقى واحد بيضرب نفسة بالشبشب قالها وده ماله قالتله أصل ده اللي اتجوزها
***
واحد فلاح أشترى تلفزيون جديد أول ما شغله طلعله عالم الحيوان قال لأبنه روح يا ولا شيل الأريال من الزريبة
***
السعودية إ تبرعت للصومال بشحنة أدويه ، فرجعتلها تانى ليه؟؟؟؟؟ عشان كلها بعد الاكل
***
في واحد دلوووع اوي اتجوز وحده دلوعه اوي خلفو ولد سموه ياااااااااااااااااااااااااي
***
مرة واحد مسطول قال لواحد مسطول تانى هو العمود ده منور قاله معرفش أصلى مش من المنطقة
***
واحد راح لبتاع الخضار قال له عندك ملوخيه خضراء قال له اة قاله مفييش الوان منها
***
اتنين مساطيل راكبين سيارة صدمواواحد..فالسائق بيقول للى جنبة:انزل شوفو..مات ولا لسة..؟؟ نزل المسطول التانى وقال:تعال يمين شوية..ايووه..شمال شوية..بس..اطلع قدام...اوكى..كده مات
***
واحد مسطووووووول أتصل على الإذاعة : أحب ان أهدي الأغنية الجاية للخطيبة الغالية بمناسبة المولود الجديد
***
مره واحد ركب اوتوبيس شاف واحده قاعده راح بصلها فبصتله , ضحكلها ضحكتلو غمزلها غمزتلو راح شاورلها على المحطه , فنزلت ....راح قعد مكانها
***
مره واحد بلديتنا جاب عربيه اوتوماتيك راح قاطع رجله الشمال
***
مره مهندس خارج من بيته مراته بتقوله على فين العزم قالها فى اتجاه القوه
***
واحد كان بيدور على مطعم نظيف، لقى محل مكتوب عليه (حاربنا الدبان) فراح داخل وأول ما جه الأكل الدبان اتلم عليه فقال للجرسون: بتقولو حاربنا الدبان ليه وطلع كل الدبان ده منين
الجرسون: احنا حاربنا الدبان بس هو فاز علينا
***
فى بلد كلها أغبية فى نهاية هذه البلد حفره كبيرة كل ما واحد يعدى يقع فى هذه الحفره فقالوا لازم نجيب حد ذكى يحل المشكلة دى ...... جابو أذكى ثلاثة فى البلد الأول قال: أحنا نقف هنا واللى يقع نطلعه ونوديه المستشفى الثانى قال له أنتى غبى مأحنا نجيب الإسعاف تقف هنا واللى يقع تخده هى وتوديه المستشفى .......فقال الثالث أما أنتو بلد أغبيه صحيح مأحنا نردم الحفره دى ونحفر وحده عند المستشفى علطول
***
محشش اتصل بخطوط الطيران يحجز تذكرة ، قاله الموظف: ذهاب واياب ؟؟؟؟ قال له : لا خروج المغلوب
***
اتنين اصحاب قاعدين ع القهوة ف واحد بيقول للتاني:اقولك على سر؟ التاني قاله قول سرك ف بير
الأول قاله:انا مزنوق ف عشرة جنية التاني دور وشه الناحية التانية وقال:ولا كأني سمعت حاجة
***
نبويه بتنادي بأعلى صوتها من البلكونه على جارتها: الحقوني حماتي عوزه تنتحر وترمي نفسها من الشباك !
قالت احدي جاراتها: وانتي مالك يا نبويه
قالت: الشباك ما بينفتحش
***
واحد حب يجامل ويدلع زوجته قال لها: انتي حمامه

قالت: لا أنا غزاله

قالها: المهم حيوانه
***
محشش سألوه ليش سمو قناة السويس بهذا الأسم؟؟؟
قال: لأن السفن تمشي بسويس بسويس
***
واحد بيقول لصاحبه: انتهت على ايه الخناقة بينك وبين مراتك امبارح؟؟

رد: هه ....دى جت لغاية عندى وركعت قدامى !!

قال له يا سلام وقالت لك ايه ؟

قالت لى: اطلع من تحت السرير يا جبان
***
وحده وحشه اوى بتقول لجوزها يا راجل مش تصلح شباك الحمام عشان وانا بستحمه الجيران مايشوفنيش

قالها: خليهم يشوفوكى عشان يصلحوه على حسابهم
***
مره اتنان سكرنين ماشين فى الشارع جت مذيعه وسألت
الاول وقالتله مصر بتمثلك ايه قلها مصر دى امى
ورحت سألت التانى وقالتله مصر بتمثلك ايه فرد عليها وقالها عيب اتكلم على ام زميلى.
***
مره واحد متخانق مع ابوه فسبله البيت ومشى
وهو طالع كتب على جدار البيت هنا مقر حركه طالبان.
-------
مع الاحترام الشديد طبعا للصعايده عشان دى ناس جدعه
و أيدها بتعلم على الافا هه بتعـــلــم......قصدى دى ناس جدعه و ميه ميه:d

*********
*****
***
**

مجموعه جميلة من النكت
مشكور عليها

ميرسى على مرورك ونورت التوبيك

» كود شات منتدى المجروحين
» كود اذاعة القران الكريم فقط على منتدى المجروحين
» اقوى افلام الرعب على منتدى المجروحين فقط
» جريدة اخبار اليوم فقط وحصريا على منتدى المجروحين
» نكت المجروحين 2010