هاعمل ايه؟

ولسه عنيكِ بِحْلَوّوا

وهاعمل إيه ؟

خلاص مقدرش أحب أكتر

ولا حتى أدوب أكتر

كده ......... أًخْرِى

ولو زاد الجمال حبة

يروح قلبى ورا قلبك ويتخبى

لأنى بجد مش هأقدر

أصد جنود جيوش حسنك

لأن جنود جيوش الصبر فى قلبى

نفد منهم خزين الصبر والأشواق بتضعفهم

قولى لى إزاى هيتقووا ؟

إذا كانت عيونك لسه بيحلوو

يانور خبط على باب الضلام فـ القلب

قمت أفتح له

زغلل عينى .... توهنى .... ولخبط حالى

خلانى بقيت فى الحب مجنونك

يانور عينى

زمان كنت أكتب الأشعار

عشان أوصف بها عيونك

لكن دلوقت زاد الحب عن طاقتى

فتاه بيّا حصان الشعر فى كونك

ولكنى فـ عز ضياعى فوقنى صدى صوتك

وحسّيتك

طردت الشعر من راسى

وكتفته بكراسى

وجيت حافى

وشلت النبض والإحساس على كتافى

رفعت إيديه واتعلقت برموشك

أمانة وقفى جيوشك

أمانة وقفى جيوشك

د قلبى ضعيف

ولو جيتى بحبة رقة والله ما هيحوشك

أنا العاشق سواد عينك

ولون الطيبة فـ جبينك

باموت فى الشمس لما الليل يعاكسها

تضم عليه أشعتها يونسها

ولما ينام يطوف قلبى على نجومه ويحرسها

ويرقيها بتعاويذى

أنا العاشق ..... وآخرهم

ومن دخلوا الهوى قبلى تلاميذى

باموت فيكِ ...

وهاموت أكتر ......

وأموت أكتر

لحد ما اعيش

ويسبح شعرى فـ عيونك

كما الدرويش

ياخد إيدى

نطير نعلى لفضا جوُّه

ويسألنى هنعمل إيه ؟

ما تهنا خلاص

ولسه عينيها بيحلو

يارب تعجبكم

ماشي حالها صح هي اصلا مش عجباني عموما انشاءالله اجيب احسن منها

مرسي كتييييير ياروميو وان شاءلله هاجيب المزيد بس احسن من دي وغيرها